ಕೋವಿಡ್ 19 ವಲಯ ಕಮಾಂಡ್ ಕೇಂದ್ರ ಉದ್ಘಾಟನೆ

60

ಬೆಂಗಳೂರು/ ಕೆಆರ್.ಪುರ: ಕೋವಿಡ್ 19 ನಿಯಂತ್ರಿಸುವ ಸಲುವಾಗಿ ರಾಜ್ಯ ಸರ್ಕಾರ ಮತ್ತೆ ಬೆಂಗಳೂರು ನಗರ ಹಾಗೂ ಬೆ‌ಂಗಳೂರು ಗ್ರಾಮಾಂತರ ಪ್ರದೆಶದಲ್ಲಿ ಒಂದು ವಾರ ಲಾಕ್ ಡೌನ್ ಜಾರಿಗೊಳಿಸಿದ್ದು ವಿನಾಕಾರಣ ವಾಹನ ಸವಾರರು ರಸ್ತೆಗಿಳಿದಿದ್ದು ಇದನ್ನು ನಿಯಂತ್ರಿಸುವ ಸಲುವಾಗಿ ನಗರಾಭಿವೃದ್ಧಿ ಸಚಿವ ಬಿ.ಎ. ಬಸವರಾಜ ರವರು ರಸ್ತೆಗಿಳಿಸು ವಾಹನ ಸವಾರರಿಗೆ ಖಡಕ್ ವಾರ್ನಿಂಗ್ ನೀಡುವ ಮೂಲಕ ಲಾಕ್ ಡೌನ್ ನಿಯಮಗಳನ್ನು ಪಾಲಿಸುವಂತೆ ಸೂಚಿಸಿದ್ದಾರೆ. ಕೆ.ಆರ್.ಪುರ ರೈಲ್ವೆ ಸ್ಟೇಷನ್ ಸಮೀಪ ಮಹದೇವಪುರ ವಲಯ ಕೋವಿಡ್ 19 ವಲಯ ಕಮಾಂಡ್ ಕೇಂದ್ರ ಉದ್ಘಾಟಿಸಿ, ನಂತರ ಮಾರತ್ತಹಳ್ಳಿ ರಿಂಗ್ ರಸ್ತೆಯಲ್ಲಿ ಸಂಚರಿಸುತ್ತಿದ್ದ ವಾಹನ ಸವಾರರನ್ನು ತಪಾಸಣೆ ನಡೆಸಿದರು. ಈ ವೇಳೆ ಅನವಶ್ಯಕವಾಗಿ ಸಂಚರಿಸುತ್ತಿದ್ದ ವಾಹನಗಳನ್ನು ವಶಕ್ಕೆ ಪಡೆದು ದಂಡ ವಿದಿಸುವಂತೆ ಕೆ.ಆರ್.ಪುರ ಸಂಚಾರಿ ಪೊಲೀಸರಿಗೆ ಸೂಚಿಸಿದರು.

ವೈಟ್ ಫೀಲ್ಡ್ ಖಾಸಗಿ ಹೋಟೆಲ್ ನಲ್ಲಿ ಬೆಂಗಳೂರು ಪೂರ್ವ ತಾಲೂಕು ಇಲಾಖೆ ಅಧಿಕಾರಿಗಳ ಸಭೆ ಕರೆದು ಕಳೆದ ಶನಿವಾರ ನಡೆಸಿದ ಸಭೆ ಬಳಿಕ ಯಾವ ಕೆಲಸಗಳು ನಡೆಯುತ್ತಿವೆ,ಕೊವೀಡ್ ನಿಯಂತ್ರಿಸುವ ಸಲುವಾಗಿ ಮತ್ಯಾವ ಕ್ರಮಗಳನ್ನು ಕೈಗೊಳ್ಳ ಬೇಕೆಂಬ ವಿಷಯಗಳ ಕುರಿತು ಚರ್ಚಿಸಿ, ಕೊವಿಡ್ ಪ್ರಕರಣಗಳ ಮಾಹಿತಿ ಪಡೆದು ಮುಂದೆ ಪ್ರಕರಣ ಗಳು ಹೆಚ್ಚಾಗದಂತೆ ಕೈಗೊಳ್ಳಬೇಕಾದ ಕ್ರಮಗಳ ಬಗ್ಗೆ ಅಧಿಕಾರಿಗಳಿಗೆ ಸೂಚಿಸಿದರು. ಈ ಸಂದರ್ಭದಲ್ಲಿ ಮಹದೇವಪುರ ವಲಯ ಉಸ್ತು ವಾರಿ ಅಧಿಕಾರಿ ಮಂಜೂಳ, ಮಹದೇವ ಪುರ ವಲಯ ಜಂಟಿ ಆಯುಕ್ತ ವೆಂಕಟಾಚಲ, ಡಿಸಿಪಿ ಅನುಚೇತ್ ಮತ್ತಿತರರು ಹಾಜರಿದ್ದರು.

ಬೈಟ್: ಬಿ.ಎ. ಬಸವರಾಜ, ಸಚಿವ